თბილისში, ვაშლიჯვარში, გოძიაშვილის ქუჩაზე ავტოსახელოსნოში გაჩენილი ხანძრის დროს ორი სატვირთო დაიწვა. ამის შესახებ ინფორმაციას საგანგებო სიტუაციების მართვის სააგენტო ავრცელებს.

უწყების ინფორმაციით, ამ ეტაპზე 400 მ2-მდე ტერიტორიაზე გაჩენილი ხანძარი ლოკალიზებულია, ადგილზე მუშაობს შვიდი სახანძრო-სამაშველო ჯგუფი, 35 მეხანძრე-მაშველი.

"მომხდარის შედეგად, დაშავდა 2 პირი, რომლებიც სასწრაფო სამედიცინო დახმარების ჯგუფების მიერ გადაყვანილია სტაციონარში", - აცხადებენ უწყებაში.