რუსეთ-ჩინეთის მოლაპარაკებების შემდეგ, რუსეთის პრეზიდენტმა ვლადიმერ პუტინმა და ჩინეთის პრეზიდენტმა სი ძინპინმა ხელი მოაწერეს რუსეთსა და ჩინეთს შორის ერთობლივ განცხადებას ყოვლისმომცველი პარტნიორობისა და სტრატეგიული თანამშრომლობის შემდგომი გაძლიერების, ასევე კეთილმეზობლური, მეგობრული და თანამშრომლობის ურთიერთობების გაღრმავების შესახებ.

რუსეთის პრეზიდენტის თანაშემწის იური უშაკოვის თქმით, ეს არის ყოვლისმომცველი პოლიტიკური დოკუმენტი, რომელიც განსაზღვრავს რუსეთსა და ჩინეთს შორის მრავალმხრივი ორმხრივი ურთიერთობების მთელი სპექტრის განვითარების ძირითად გზებს, საერთაშორისო დღის წესრიგში არსებული აქტუალური საკითხების მკაფიო საერთო ხედვას და გლობალურ საქმეებში ურთიერთქმედების ძირითად ფორმატებს.

ვლადიმერ პუტინი ჩინეთში 19 მაისს ჩავიდა. სი ძინპინთან შეხვედრა 20 მაისს გაიმართა.

ჩინეთის პრეზიდენტმა სი ძინპინმა რუსეთის პრეზიდენტ ვლადიმერ პუტინთან შეხვედრისას განაცხადა, რომ ახლო აღმოსავლეთში არსებული ვითარება გადამწყვეტ ეტაპზეა და ომიდან მშვიდობაზე გადასვლისთვის მზადაა.

"ახლო აღმოსავლეთში, სპარსეთის ყურის რეგიონში არსებული ვითარება ომიდან მშვიდობაზე გადასვლის გადამწყვეტ ეტაპზეა", — ციტირებს სი ძინპინის სიტყვებს სააგენტო "სინხუა".

პუტინის ოფიცილაური ვიზიტი ჩინეთშ დღეს, 20 მაისს დასრულდება.