რუსთაველის თეატრში რუსეთის თეატრალური ინსტიტუტის სტუდენტებმა წარმოდგენა გამართეს, რომელიც 9 მაისს მიეძღვნა. რუსთაველის თეატრის დირექტორი გია თევზაძე "ტვ პირველთან" სატელეფონო ინტერვიუში აცხადებს, რომ რუსთაველის თეატრის სცენა იჯარით გააქირავეს, მაქსიმალური თანხა აიღეს და მომავალშიც თუ იქნება შესაძლებლობა, ასევე მოიქცევიან. მისივე თქმით, თეატრს არ სჭირდება კულტურის სამინისტროსგან თანხმობა, სცენა რომ კონკრეტულ პიროვნებებს და მსახიობებს მიაქირაოს.

"ჩვენ იჯარით მივეცით დარბაზი, მაქსიმალური თანხა ავიღეთ, იქ ისეთი არაფერი არ იყო, ეს "გიტისის" (რუსეთის თეატრალური ხელოვნების ინსტიტუტის) სტუდენტები იყვნენ . ...ჩვენ არავის დაგვიკარგია ამ ომში? ჩვენ ყველაზე მეტი დავკარგეთ ამ ომში. რა საკვირველია, [მომავალშიც] მოვაქირავებთ ფულის გამო",— ამბობს თეატრის დირექტორი.

რუსთაველის თეატრში გამართულ წარმოდგენაზე ინფორმაცია თავდაპირველად სოციალური სამართლიანობის ცენტრის ხელმძღვანელმა, თამთა მიქელაძემ გაავრცელა.

"ვერ ვიჯერებ, რომ ეს საქართველოში, რუსთაველის თეატრში მოხდა" — თამთა მიქელაძე რუსთაველის თეატრში გამართულ წარმოდგენაზე