სომხეთის პრემიერმინისტრი, ნიკოლ ფაშინიანი აცხადებს, რომ სომხეთსა და გაერთიანებულ სამეფოს შორის ურთიერთობები ახალ ეტაპზე გადადის. ინფორმაციას ამის შესახებ ფაშინიანი პლატფორმა X-ზე ავრცელებს.

მისი ინფორმაციით, ბრიტანეთის პრემიერმინისტრთან, კირ სტარმერთან გაფორმებული ერთობლივი დეკლარაცია სტრატეგიული პარტნიორობის შესახებ ქვეყნებს შორის თანამშრომლობის გაღრმავებას ისახავს მიზნად.

ფაშინიანის თქმით, ახალი შეთანხმება საერთო ღირებულებებს ეფუძნება და მიზნად ისახავს სხვადასხვა სფეროში კოოპერაციის გაძლიერებას.

"სომხეთსა და გაერთიანებულ სამეფოს შორის სტრატეგიული პარტნიორობის შესახებ დღევანდელი ერთობლივი დეკლარაციით, ჩვენ ვხსნით ახალ და იმედისმომცემ თავს ორმხრივ ურთიერთობებში, რომელიც დაფუძნებულია საერთო ღირებულებებსა და გაძლიერებულ თანამშრომლობაზე," — ნათქვამია განცხადებაში.

ცნობისთვის, მსოფლიო ლიდერები კვირას სომხეთში, ერევანში ევროპული პოლიტიკური გაერთიანების მე-8 სამიტზე დასასწრებად ჩავიდნენ. შეხვედრის დევიზია "მომავლის შენება: ერთიანობა და სტაბილურობა ევროპაში" იმართება.

48 ქვეყნის ლიდერი, მათ შორის ევროკავშირის 27 წევრი ქვეყნის წარმომადგენელი, 4 მაისს, შეიკრიბება, რათა მნიშვნელოვანი პოლიტიკური საკითხები განიხილონ.

სამიტის ფარგლებში სომხეთის პრემიერმინისტრმა ნიკოლ ფაშინიანმა განაცხადა, რომ იმედოვნებს, რომ 2028 წელს აზერბაიჯანში EPC-ის მე-10 სამიტს დაესწროს.