ლიბერალის ახალი ამბების რედაქტორს, დათო გამისონიას, ვაკის მე-12 საარჩევნო უბანზე შეკრებილმა პირებმა, რომლებიც უბნის ტერიტორიას არ ტოვებდნენ, სიტყვიერი და ფიზიკური შეურაცხყოფა მიაყენეს და ჟურნალისტურ საქმიანობაში ხელი შეუშალეს.

ვიდეოს ლიბერალი აქვეყნებს:

კადრებში კარგად ჩანს, რომ აღნიშნული პირების გაღიზიანება ლიბერალის შეკითხვამ გამოიწვია, თუ რატომ არ ტოვებდნენ ისინი უბნის ტერიტორიას.

ვიდეოში ისმის ისიც, რომ საარჩევნო უბნიდან გამისონიას გაძევებას მოითხოვდნენ, ერთ-ერთმა მათგანმა კი ჟურნალისტის ტექნიკის დაზიანებაც სცადა.

ლიბერალის ცნობით, შსს-სთვის მიმართვის შემდეგ, სამართალდამცავებმა ინციდენტში მონაწილე ორი პირის იდენტიფიცირება მოახდინეს. გამოკითხულია ჟურნალისტი.