"ასეთი უპრეცედენტო ჩარევა გარედან, რომელიც ამ არჩევნებზე იყო უნგრეთში, მანამდე არ ყოფილა," — პარტია ევროპელი სოციალისტების წევრი, ლადო ბოჟაძე უნგრეთში ჩატარებულ არჩევნებს გამოეხმაურა.

ბოჟაძის განცხადებით, მიღებული შედეგი უნგრელი ხალხის ნებაა.

"გადაწყვეტილება მიიღო უნგრელმა ხალხმა და, რა თქმა უნდა, ამ გადაწყვეტილებას ჩვენ პატივი უნდა ვცეთ,“ — განაცხადა მან.

ამასთან, ტელეკომპანია "ფორმულა"-ს ჟურნალისტის კითხვაზე, ჩარეული იყო თუ არა ბრიუსელი არჩევნებში, ბოჟაძემ აღნიშნა, რომ პროცესი უპრეცედენტო გავლენებით ხასიათდებოდა.

"ასეთი უპრეცედენტო ჩარევა გარედან, რომელიც ამ არჩევნებზე იყო უნგრეთში, მანამდე არ ყოფილა. ამას თავად ანალიტიკოსები აღიარებენ... ის, რომ იგივე ამერიკის ვიცეპრეზიდენტი იყო ჩასული, იყვნენ სხვა ლიდერები, ეს იმას ნიშნავს, რომ გარედან სურვილი ჩარევის იყო,“ — თქვა მან.


შეგახსენებთ, 12 აპრილს უნგრეთში საპარლამენტო არჩევნები გაიმართა, რომლის შედეგებითაც ოპოზიციონერი პეტერ მადიარის პარტიამ ვიქტორ ორბანის 16-წლიანი მმართველობა დაასრულა. პეტერ მადიარის პარტიამ ხმების 53%% მოიპოვა, რაც პარლამენტში 138 მანდატის მიღებას ნიშნავს. ვიქტორ ორბანის პარტიამ კი 38% მიიღო (55 მანდატი).