გურჯაანის მუნიციპალიტეტის სოფელ ველისციხეში, უხვი ნალექის შედეგად ადიდებულმა ხევმა ე.წ "ჟორსის ხიდი" დააზიანა. ინფორმაციას კახეთის სამხარეო ადმინისტრაციაზე დაყრდნობით ტელეკომპანია "გურჯაანი" ავრცელებს. მათი ინფორმაციით, ხიდი დაახლოებით 30 წლის წინ აშენდა. ის მოსახლეობას ველისციხის საკვირაო ბაზართან, ახაშნელებს კი სასოფლო-სამეურნეო სავარგულებთან აკავშირებს.

"რამდენიმე დღის განმავლობაში მოსული გადაუღებელი წვიმის შედეგად ადიდებულმა ხევმა სოფელ ველისციხის ერთ-ერთი ხიდი დააზიანა. შევისწავლით არსებულ ვითარებას და შესაბამის უწყებებთან ერთად თანამშრომლობით, უმოკლეს დროში დავგეგმავთ ხიდის აღდეგინისთვის საჭირო ღონისძიებებს", — აღნიშნა პლატონ კალმახელიძემ, კახეთის მხარეში სახელმწიფო რწმუნებულმა.