3-წლიანი შესვენების შემდეგ ახალგაზრდა პოპვარსკვლავი, ოლივია როდრიგო, ახალი ალბომით ბრუნდება.

ოლივიამ ეს სიახლე სოციალურ მედიაში 2 აპრილს გაგვიზიარა. რამდენიმეკვირიანი მინიშნებების შემდეგ მომღერალმა გულშემატკივრებს მომავალი ალბომის სახელი, გარეკანი და გამოსვლის თარიღი გაანდო:

ახალი მუსიკალური პროექტის სახელია You seem pretty sad for a girl so in love, რაც მას საკმაოდ განასხვავებს ოლივიას წინა ალბომებისგან: როდრიგოს პირველ ალბომს SOUR ეწოდება, მეორეს კი — GUTS, შესაბამისად, გასაკვირი არაა, რომ ფანები ისევ ერთსიტყვიან და ოთხასოიან ალბომის სახელს ელოდნენ. თუმცა, ამ მოულოდნელმა ცვლილებამ თითქმის ყველა გაახარა.

ახალი ალბომის გარეკანზე გამოსახულია ოლივია, რომელიც ვარდისფერ კაბაში გამოწყობილი საქანელაზე ზის და იცინის. ვარდისფერი ამ ალბომის მნიშვნელოვანი ელემენტია, რადგან ოლივიას კიდევ ერთ ცვლილებას ასახავს — მომღერლის პირველი და მეორე ალბომები იისფერთან ასოცირდებოდა, მესამე ალბომის მინიშნებებით კი აშკარა გახდა, რომ იისფერს ვარდისფერი ანაცვლებდა.

SOUR

SOUR

ფოტო: Pitchfork

GUTS

GUTS

ფოტო: Deezer

მარტში, ლოს-ანჯელესში გამოჩნდა იისფერი კედელი წარწერით "OR" (Olivia Rodrigo). მომღერლის ოფიციალურმა ფან-გვერდებმა კი სოციალურ ქსელებში გამოაქვეყნეს ვიდეოები ჰეშთეგებით: "#OliviaIsComing" და "#OR3". მოგვიანებით, კედელი ვარდისფრად გადაღებეს — ზუსტად იმ ვარდისფრად, რომელიც როდრიგოს ალბომის გარეკანზე გვხვდება — და ზედ დააწერეს სიტყვა "love". ეს ყველაფერი მიანიშნებდა, რომ ოლივიას ახალი ალბომის მთავარი ფერი არა იისფერი, არამედ ვარდისფერი იქნებოდა და პროექტი სიყვარულს ეხებოდა.

ფოტო: Evan Agostini

ფოტო: X

ჩემი მესამე ალბომი You seem pretty sad for a girl so in love 12 ივნისს გამოდის. ძალიან ვამაყობ ამ ჩანაწერით და მოუთმენლად ველი, როდის მოუსმენთ — განაცხადა ოლივიამ.

ალბომის გამოცხადებამდე როდრიგომ ინსტაგრამზე ყველა პოსტი წაშალა, შესაბამისად, ახალი ალბომის შესახებ განცხადება პლატფორმაზე მისი ერთადერთი პოსტია.

ასევე იხილეთ: