"დენის ტარიფის გაზრდაში მთავარი ფაქტორი არის ივანიშვილის ბიტკოინები, რომელსაც ის ელექტროენერგიისგან გამოიმუშავებს გლდანში და გორში" –– წერს მიხეილ სააკაშვილი სოციალურ ქსელში.

"ივანიშვილის კრიპტოვალუტის ეს ორი საწარმო, რომ გაითიშოს, დენი კი არ გაძვირდებოდა, არამედ პირიქით გაიაფდებოდა.

ივანიშვილის შემდეგ მოდის კალაძე, რომელმაც გააუქმა ჩემ მიერ 2011 წელს გაფორმებული ძალიან მომგებიანი ხელშეკრულება, რომელიც შემდეგი 30-40 წელი იძლეოდა გარანტიას ტარიფის არ გაზრდის და კალაძემ აიღო ქრთამი ამის გაუქმებაში.

ამის გარდა ენერგოკომპანიის 25% იან წილში ჩაჯდა ხვიჩა მაქაცარიას მეშვეობით და ახლა დენის გაძვირებით უშუალოდ კალაძე, ათობით მილიონ დოლარს ჩაიდებს ჯიბეში.

ასე რომ მე ჯერ ეს დენი მოვიყვანე და შემდეგ ამათ მთავრობას გარანტირებული დაბალი ტარიფები დავუტოვე, ამათ კი ეს სისტემა პირადი გამორჩენისთვის ააყირავეს და ახლა ხალხს კატასტროფას უწყობენ.

მეგობრებო მე მგონი ყველასთვის ყველაფერი ნათელია. ახლა მთავარია გავერთიანდეთ და ვიმოქმედოთ ამათ მოსაშორებლად." – ვკითხულობთ მიხეილ სააკაშვილის პირად Facebook გვერდზე.

ცნობისთვის, ელექტროენერგიის ტარიფი თბილისსა და რეგიონებში 5-5 თეთრით იზრდება. ამის შესახებ ინფორმაცია საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ ცოტა ხნის წინ გაავრცელა

მიღებული გადაწყვეტილება ყველა სექტორისთვის იმოქმედებს 2026 წლის 1-ელი აპრილიდან 2031 წლის 1-ელ იანვრამდე.