თამარ ბაგრატიონმა პროსამთავრობო ტელეკომპანია "რუსთავი 2"-თან საუბრისას განაცხადა, რომ ამერიკაში გლობალური სამიტზე სიტყვით გამოსვლა მისთვის "დიდი სიამაყეა, რადგან წარმოადგენდა საქართველოს".

"დამთავრდა გლობალური სამიტი, სადაც მოწვეული ვიყავი ამერიკის პირველი ლედის, მელანია ტრამპის მიერ. ჩემთვის ეს სამიტი იყო დიდი გამოცდილება, დიდი სიამაყე, რადგან წარმოვადგენდი საქართველოს.

45 ქვეყნის წარმომადგენელი ვიყავით ამ სამიტზე. თემა იყო განსაკუთრებული, გლობალურად საჭირო და მტკივნეული, რომელიც შეეხება ახალი ტექნოლოგიების განვითარებას, მათ ინტეგრაციას განათლებაში. ბევრმა ქვეყანამ გამოთქვა სურვილი, რომ ამ პლატფორმის ფარგლებში, თავის ქვეყნებში ჩაატარონ ღონისძიებები. დავრწმუნდი იმაში, რომ ეს პირადი ურთიერთობები, რომელიც ჩვენ, პირველ ლედებს და პირველ ქმრებს შორის ჩამოყალიბდა ყველაზე მნიშვნელოვანია," — განაცხადა ბაგრატიონმა.

25 მარტს, ვაშინგტონში მიმდინარე სამიტის ფარგლებში, მელანია ტრამპი პრეზიდენტების მეუღლეებს თეთრ სახლში მრგვალი მაგიდის ფორმატში უმასპინძლა. 24 მარტს, თამარ ბაგრატიონმა მონაწილეობა მიიღო გლობალური სამიტის, "ერთად უკეთესი მომავლისთვის" სამუშაო სესიაში, სადაც შეკრებილებს სიტყვით მიმართა.