საია-ს ყოფილი თავმჯდომარე, ნონა ქურდოვანიძე შსს-ს მიერ გამოქვეყნებული ოფიციალური სტატისტიკას სოციალურ ქსელში გამოეხმაურა, მისი განმარტებით, 2025 წელს, 2024 წელთან შედარებით 27%-ით მეტ ადამიანს შეეფარდა ადმინისტრაციული პატიმრობა და 2013 წლიდან დღემდე ადმინისტრაციული პატიმრობის გამოყენების ისტორიული მაქსიმუმი დაფიქსირდა. მისივე თქმით, ეს მონაცემები "ნათლად აჩვენებს იმ რეპრესიული რეგულაციების შედეგებს, რომლებიც 2024-2025 წლებში ამოქმედდა".

"შსს-ს მიერ გამოქვეყნებული ოფიციალური სტატისტიკის თანახმად, 2025 წელს 27%-ით მეტ ადამიანს შეეფარდა ადმინისტრაციული პატიმრობა 2024 წელთან შედარებით. ამავდროულად, 2025 წელს დაფიქსირდა 2013 წლიდან დღემდე ადმინისტრაციული პატიმრობის გამოყენების ისტორიული მაქსიმუმი.

მონაცემები წლების მიხედვით:

  • 2025 წელი — 2270 პირი;
  • 2024 წელი — 1791;
  • 2023 წელი —1961;
  • 2022 წელი — 1708;
  • 2021 წელი — 620;
  • 2020 წელი — 662;
  • 2019 წელი — 901;
  • 2018 წელი — მონაცემი არ არის გამოქვეყნებული;
  • 2017 წელი — 590;
  • 2016 წელი — 704;
  • 2015 წელი — 998;
  • 2014 წელი — 871;
  • 2013 წელი — 1127;

ეს მონაცემებიც ნათლად აჩვენებს იმ რეპრესიული რეგულაციების შედეგებს, რომლებიც 2024-2025 წლებში ამოქმედდა", — დაწერა ნონა ქურდოვანიძემ.