აშშ-მა ბელარუსის დელეგაციას სამშვიდობო საბჭოს შეხვედრაზე დასასწრებად ვიზები არ მისცა. ამის შესახებ ბელარუსის საგარეო საგარეო საქმეთა სამინისტრო სოციალურ პლატფორმა X-ზე წერს. ბელარუსის საგარეო უწყების განცხადება ამ კითხვით სრულდება: "თუ ელემენტარული ფორმალობებიც კი არ არის დაცული, რა "მშვიდობაზე“ ვსაუბრობთ?"

"ჩვენი დელეგაციისთვის სამშვიდობო საბჭოს შეხვედრაზე ვიზები არ გაიცა, მიუხედავად იმისა, რომ ყველა დოკუმენტი დროულად იყო წარდგენილი და პროცედურები დაცული იყო.

ბელარუსმა ორგანიზატორებს აცნობა, რომ სახელმწიფოს მეთაურის გადაწყვეტილებით, საგარეო საქმეთა მინისტრი მაქსიმ რიჟენკოვი დაესწრებოდა შეხვედრას.

ამერიკის შეერთებული შტატების პრეზიდენტის მოწვევა ბელარუსის სახელმწიფოს მეთაურს ეკუთვნოდა.

თუ ელემენტარული ფორმალობებიც კი არ არის დაცული, რა "მშვიდობაზე" ვსაუბრობთ?", — წერს საგარეო უწყება.

შეგახსენებთ, რომ ვაშინგტონში აშშ-ს პრეზიდენტ დონალდ ტრამპის თავმჯდომარეობით მშვიდობის საბჭო გუშინ, 19 თებერვალს გაიხსნა.