ოცნების სატელიტი ევროპელი სოციალისტების წევრმა, ლადო ბოჟაძემ პარლამენტში გამოსვლისას ოცნების ხელისუფლების არჩეულ პრეზიდენტს, მიხეილ ყაველაშვილს თხოვნით მიმართა, როგორც "მრავალშვილიანმა მამამ" დემოგრაფიის საკითხების მოგვარების პროცესებში პირადად ჩაერთოს.

"მინდა შევეხო ერთ ძალიან მნიშვნელოვან საკითხს, ეს ეხება დემოგრაფიას. თქვენ იცით, რომ ეს ძალიან მნიშვნელოვანი პრობლემაა ჩვენი ქვეყნისთვის, საქართველოს მთავრობა, პარლამენტი ძალიან აქტიურად მუშაობს ამ მიმართულებით, საქართველოს პრეზიდენტს, როგორც მრავალშვილიან მამას, მინდა ვთხოვო განსაკუთრებულად, პირადად ჩაერთოს ამ პროცესებში, რომ განსაკუთრებული მხარდაჭერა შევუქმნათ ჩვენ ახალგაზრდა ოჯახებს, რომ ახალგაზრდებმა შექმნან ოჯახები, იფიქრონ ოჯახების შექმნაზე, შვილების გაჩენაზე და რეალური კონკრეტული შეღავათები, კონკრეტული მხარდაჭერა ჰქონდეს ამ ადამიანებს, იმისთვის რომ გამრავლდეს ჩვენი ერი," — განაცხადა ლადო ბოჟაძემ.

შეგახსენებთ, დღეს მიხეილ ყაველაშვილი ყოველწლიური მოხსენებით პარლამენტში დღეს წარსდგა.