"რატომ უნდა შეხვდნენ აშშ-ის ლიდერები ხელისუფლებას, რომელმაც შეურაცხყოფა მიაყენა ჩვენს ელჩებს, დაგვადანაშაულა "მეორე ფრონტში" ჩათრევის მცდელობაში და ხელჩაკიდებულია ადამიანებთან, ვინც სკანდირებს "სიკვდილი ამერიკას?", — განაცხადა მაკკეინის ინსტიტუტის გლობალური დემოკრატიის პროგრამების დირექტორმა ლორა თორნტონმა "ინტერპრესნიუსთან" ინტერვიუში. მისივე თქმით, "ქართული ოცნების იზოლაციის პარალელურად, ქართველ ხალხს არ ივიწყებენ.

"საქართველოს ხელისუფლება იზოლირებული და პოლიტიკურად არარელევანტურია. უცნაური იქნებოდა, რომ ქართულ ოცნებას ეს გაჰკვირვებოდა, ვინაიდან მათ არაფერი გაუკეთებიათ გარდა აშშ-სა და ტრადიციული მოკავშირეების შეურაცხყოფისა, დასავლეთის მთავარ მოწინააღმდეგეებთან დაახლოების პარალელურად. რატომ უნდა შეხვდნენ აშშ-ის ლიდერები ხელისუფლებას, რომელმაც შეურაცხყოფა მიაყენა ჩვენს ელჩებს, დაგვადანაშაულა "მეორე ფრონტში" ჩათრევის მცდელობაში და ხელჩაკიდებულია ადამიანებთან, ვინც სკანდირებს "სიკვდილი ამერიკას?"

ნათლად მინდა განვაცხადო, რომ "ქართული ოცნების" იზოლაციის პარალელურად, ქართველ ხალხს არ ვივიწყებთ და ბევრი ჩვენგანი აგრძელებს ბრძოლას ქართული დემოკრატიისთვის", — განაცხადა მაკკეინის ინსტიტუტის გლობალური დემოკრატიის პროგრამების დირექტორმა ლორა თორნტონმა.

მისივე თქმით, ისინი, ვინც "MEGOBARI აქტის" წინააღმდეგ ლობირებენ, ამას ფინანსური მიზეზების გამო აკეთებენ.

"ერთადერთი, რაც არ შეცვლილა, არის ორპარტიული თანხმობა, რომ საქართველო აღარ არის დემოკრატიული სანდო მოკავშირე. "MEGOBARI აქტს" ჰქონდა ფართო მხარდაჭერა. თუმცა, ჩვენს კონგრესში ზოგჯერ მხოლოდ რამდენიმე ადამიანია საკმარისი კანონპროექტის შესაფერხებლად. The Hill-ის შესანიშნავი რეპორტაჟებიდან ჩანს, რომ სამწუხაროდ, ისინი, ვინც MEGOBARI -ს წინააღმდეგ ლობირებენ, ამას ფინანსური მიზეზების გამო აკეთებენ. არავინ, მათ შორის, არც ისინი, ვინც კანონპროექტის წინააღმდეგ გამოდიან, არ ამტკიცებენ, რომ ქართული ოცნება დემოკრატიისა და ადამიანის უფლებების მოდელია. მაგრამ ჩვენ გვაქვს არჩევნები, კონგრესი იცვლის ფორმას. იმედი მაქვს, რომ ყველაფერი დაკარგული ჯერ კიდევ არ არის. გავმეორდები, უდიდესი უმრავლესობა მხარს უჭერს ქართველ დემოკრატებს და სურთ, რაც შეიძლება მეტ მტკივნეულ წერტილზე ზემოქმედება - ფინანსური სანქციების გზით - რეჟიმზე ზეწოლის მიზნით", — განაცხადა თორნტონმა.