"ეს კიდევ ერთი მორიგი მაგალითია იმისა, როგორ ხდება სხვადასხვა ორგანიზაციის გამოყენება ქართველ ხალხზე თავდასხმისთვის, ქართველ ხალხის დაშინებისთვისა და დამორჩილებისთვის", — ასე გამოეხმაურა ოცნების პარლამენტის თავმჯდომარე ეუთოს წევრი 24 ქვეყნის მიერ საქართველოში მოსკოვის მექანიზმის ამოქმედებას.

"ეს კიდევ ერთი მორიგი მაგალითია იმისა, როგორ ხდება სხვადასხვა ორგანიზაციის გამოყენება ქართველ ხალხზე თავდასხმისთვის, ქართველ ხალხის დაშინებისთვისა და დამორჩილებისთვის. სწორედ ეს არის ასეთი ინიციატივების მთავარი მოტივაცია. ეს არის ერთი და იგივე მეთოდი, ქართველი ხალხის დაშინების მცდელობისა. მაშინ როდესაც ღია კარს ამტვრევენ. ჩვენ ყოველთვის ვამბობთ, რომ მზად ვართ დიალოგისთვის, რომ ნებისმიერ საკითხთან დაკავშირებით ნებისმიერ კითხვას პასუხი გავცეთ. ამის საპირისპიროდ ჩვენ ვხედავთ ბრიუსელის მხრიდან, დაბლოკვას ყოველგვარი დიალოგის. ხედავთ, ასე ვთქვათ გაბუტულ პოზაში არიან, ამიტომაც არიან სადაც არის ბრიუსელი. აშშ-ს სახელმწიფო მდივანი კაია კალასს რომ არ ხვდება. არაკვალიფიციური პოლიტიკა საქართველოსთან დაკავშირებით ყველაზე კარგად ჩანს, რომ მუქარას და შანტაჟს ამჯობინებენ დიალოგს და საუბარს, აბსოლუტურად არაევროპულ ქცევას. ეს აჩვენებს, რომ არსებობს სურვილი ქართველი ხალხის დაშინებისა და შანტაჟისა.

ჩვენ არაფერი, არავისთან დასამალი არაფერი გვაქვს. არ არსებობს კითხვა, რომელზეც პასუხი არ გვაქვს, არ არსებობს საკითხი, რომელზეც არ შეგვიძლია საუბარი, — განაცხადა შალვა პაპუაშვილმა.

მისივე თქმით, "მოსკოვის მექანიზმს, რომ ავხსნა, არანაირი კავშირი ქვეყნის იმიჯთან არ აქვს

"რაც შეეხება მოსკოვის მექანიზმს, რომ ავხსნა, არანაირი კავშირი ქვეყნის იმიჯთან არ აქვს. ეს არის ჩვეულებრივი მომხსენებლის ინსტიტუტი, რომელიც აქვს ევროსაბჭოსაც და სხვა ინსტიტუტებსაც. ეს არის ჩვეულებრივი მომხსენებლის ინსტიტუტი, რომელიც შემდეგ შეადგენს საკუთარ ანგარიშს, მოსაზრებებს და რეკომენდაციებს. ეს არ არის არც გამოძიება, არც სასამართლო, არც სავალდებულო რაიმე შინაარსის შედეგები. ეს არის ჩვეულებრივი ფაქტების შემსწავლელი მისია, ან ანგარიში. ევროსაბჭოში არის ასეთი, სადაც არის მუდმივი მომხსენებლები არიან გაეროში, მუდმივი მომხსენებელია რის ევროსაბჭოში, ეუთოში ამ შემთხვევაში ეს მექანიზმი არის, რომელიც არანაირი კავშირი, ეს არ არის საერთაშორისო სამართლებრივი ინსტრუმენტი, ეს არის ასე ვთქვათ მოკვლევა საკითხის, ან ანალიზი, რომელსაც მოჰყვება ამ მომხსენებლის ანგარიში, რომელიც არის სარეკომენდაციო ხასიათის", — განაცხადა შალვა პაპუაშვილმა მოსკოვის მექანიზმის ამოქმედებაზე.