"დავოსის ეკონომიკური ფორუმი, როგორც ჩანს, არ არის ის ფორუმი, რომლის ფარგლებშიც წყდება საქართველოს ბედ-იღბალი და უკეთესი მომავალი", — ამის შესახებ ოცნების დეპუტატმა ლევან მახაშვილმა განაცხადა. მისი თქმით, "თითოეული პლატფორმა უნდა იყოს რაღაც შედეგის მომტანი და არა რომ რომელიმე წითელ ხალიჩაზე გაიაროს ამა თუ იმ ხელმძღვანელმა პირმა".

"თითოეული პლატფორმა ჩვენთვის უნდა იყოს რაღაც შედეგის მომტანი და არა რომ რომელიმე წითელ ხალიჩაზე გაიაროს ამა თუ იმ ხელმძღვანელმა პირმა ჩვენი ხელისუფლების. ამიტომ, მოდი, ვიმსჯელოთ შედეგებით და შედეგები არის ძალიან მკაფიო, რომ საქართველოს ეკონომიკური ზრდა არის ერთ-ერთი საუკეთესო მსოფლიოში და ევროპაშიც. ამიტომ, ამით, მგონი, ყველაფერი ნათელია. დავოსის ეკონომიკური ფორუმი, როგორც ჩანს, არ არის ის ფორუმი, რომლის ფარგლებშიც წყდება საქართველოს ბედ-იღბალი და უკეთესი მომავალი", — განაცხადა ოცნების დეპუტატმა ლევან მახაშვილმა.

შეგახსენებთ, რომ წელს უკვე მეორედ ოცნების ხელისუფლება დავოსის ეკონომიკურ ფორუმზე არ მიიწვიეს.