აშშ-ის საელჩომ საქართველოში საკონსტიტუციო ცვლილებებზე განაცხადა, რომ ისინი იმედგაცრუებულნი არიან, რადგან მხარეებმა კონსენსუსს ვერ მიაღწიეს:

"საელჩო მიიჩნევს, რომ საკონსტიტუციო ცვლილებები ქმნის ძლიერ საფუძველს ხანგრძლივი და მტკიცე რეფორმებისთვის, როდესაც ამ ცვლილებებზე საზოგადოების და პოლიტიკური პარტიების ფართო კონსენსუსი არსებობს. საელჩო იზიარებს ვენეციის კომისიის შეფასებას და მტკიცედ უჭერს მხარს კომისიის მიერ წარმოდგენილ რეკომენდაციებს. ჩვენ იმედგაცრუებული ვართ, რომ მხარეებმა კონსენსუსს ვერ მიაღწიეს".

13 ოქტომბერს პარლამენტის რიგგარეშე სხდომაზე საქართველოს პარლამენტმა კონსტიტუციაში ცვლილების შეტანის კანონპროექტის პირვანდელ რედაქციასაც უყარა კენჭი. მას 117-მა დეპუტატმა დაუჭირა მხარი, ხოლო წინააღმდეგი იყო 7.

მანამდე, ქართულმა ოცნებამ საქართველოს პრეზიდენტის მოტივირებული შენიშვნები არ გაითვალისწინა და კონსტიტუციის პროექტზე დადებული ვეტო დაძლია.