აშშ-ს პრეზიდენტმა დონალდ ტრამპმა განაცხადა, რომ ვენესუელის პრეზიდენტ ნიკოლას მადურო და მისი მეუღლე დააკავეს და ქვეყნიდან ვერტმფრენით გადმოიყვანეს მას შემდეგ, რაც აშშ-მ კარაკასზე "მასშტაბური დარტყმები" დაიწყო. ტრამპმა ამის შესახებ სოციალურ მედიაში შაბათს, 3 იანვარს დაწერა.

"ამერიკის შეერთებულმა შტატებმა წარმატებით განახორციელა ფართომასშტაბიანი დარტყმა ვენესუელასა და მისი ლიდერის, პრეზიდენტ ნიკოლას მადუროს წინააღმდეგ, რომელიც მეუღლესთან ერთად დააკავეს და ქვეყნიდან ვერტმფრენით გაიყვანეს. ეს ოპერაცია აშშ-ის სამართალდამცავებთან ერთად განხორციელდა. დეტალები მოგვიანებით გახდება ცნობილი", — დაწერა ტრამპმა სოციალურ მედია პლატფორმა TruthSocial-ზე.

აშშ-ს პრეზიდენტმა ასევე განაცხადა პრესკონფერენცია ოპერაციის შედეგებთან დაკავშირებით, ფლორიდაში 11 საათზე გაიმართება.

"ვენესუელისთვის ახალი ერა! ტირანი წავიდა. ახლა ის საბოლოოდ წარდგება თავისი დანაშაულებისთვის", — დაწერა სახელმწიფო მდივნის მოადგილემ კრისტოფერ ლანდაუმ.

3 იანვრის ღამეს აშშ-მ ვენესუელაში სამხედრო ოპერაცია დაიწყო. დედაქალაქ კარაკასში აფეთქებები მოხდა და ქალაქის თავზე თვითმფრინავები დაფრინავდნენ. ზოგიერთ რაიონში ელექტროენერგიის გათიშვა მოხდა. აფეთქებების ხმა ასევე ისმოდა ლა გუაირაში, კარაკასის ჩრდილოეთით, სანაპიროზე და იგეროტაში (მირანდას შტატი). კვამლის ღრუბლები ლა კარლოტას აეროპორტთან ახლოს, სადაც ვენესუელას 2005 წლიდან სამხედრო ბაზა აქვს განთავსებული, კვამლის ღრუბლები შეინიშნებოდა.

ვენესუელის ხელისუფლებამ აშშ-ის თავდასხმა შეაფასა, როგორც "ვენესუელას სტრატეგიული რესურსების, განსაკუთრებით ნავთობისა და მინერალების მითვისების" მიზანი და "ქვეყნის პოლიტიკური დამოუკიდებლობის შელახვის" მცდელობა. ნიკოლას მადურომ საგანგებო მდგომარეობა გამოაცხადა.

აშშ მადუროს ნარკოტიკებით ვაჭრობას უკავშირებს.

ტრამპმა არაერთხელ დაიმუქრა ვენესუელაზე თავდასხმით, ქვეყნის ხელისუფლებას ის "ნარკოტერორიზმში" ადანაშაულებდა. 2025 წელს შეერთებულმა შტატებმა გაზარდა სამხედრო ყოფნა ქვეყნის სანაპიროსთან და დაიწყო გემების დაბომბვა, რომლებიც, ვაშინგტონის თქმით, ნარკოტიკებით ვაჭრობაში იყვნენ ჩართულნი. აშშ-ის ხელისუფლების ცნობით, მადურო მჭიდრო კავშირშია კოკაინის საერთაშორისო ტრეფიკინგის ქსელთან და კარტელ დე ლოს სოლესთან (მზის კარტელი).

შეერთებულმა შტატებმა არ აღიარა მადუროს გამარჯვება საპრეზიდენტო არჩევნებში და უარს ამბობს მის ლეგიტიმურ პრეზიდენტად მიჩნევაზე. 2020 წელს, დონალდ ტრამპის პირველი ვადის დროს, შეერთებულმა შტატებმა ვენესუელის ლიდერის დაჭერისთვის 15 მილიონი დოლარის ჯილდო დააწესა. 2025 წლის იანვარში ეს თანხა 25 მილიონ დოლარამდე გაიზარდა, ხოლო აგვისტოში — 50 მილიონ დოლარამდე.