BBC-ის ინფორმაციით, ახალი წლის ღამეს, შვეიცარიაში, კრანს-მონტანას სათხილამურო კურორტზე ერთ-ერთ ბარში აფეთქების შედეგად ათამდე ადამიანი გარდაიცვალა და 100-ზე მეტი დაშავდა.

იტალიის საგარეო საქმეთა სამინისტროს ინფორმაციით, გარდაცვლილთა რაოდენობა 40-ს აღწევს, მაგრამ პოლიციას ზუსტი რაოდენობა არ დაუსახელებია. უწყების ინფორმაციით, გარდაცვლილებს შორის სხვა ქვეყნის მოქალაქეებიც არიან და მათ იდენტიფიცირებას კვირები დასჭირდება.

შვეიცარიის პოლიციის განცხადებით, მომხდარზე გამოძიება თავდასხმის ან ტერორიზმის მუხლით არ მიმდინარეობს.