ევროკომისიამ ქართველი ემიგრანტების წერილს უპასუხა. ევროკომისია წერს, რომ სავარაუდო შემზღუდავი ზომების შესახებ დისკუსიები, რომელიც ევროპულ საბჭოში უმრავლესობის თანხმობას მოითხოვს, გრძელდება. მათივე განმარტებით, "საქართველოს ევროინტეგრაციის პროცესი შეჩერებულია, იქამდე, სანამ ხელისუფლება არ გამოიჩენს მტკიცე ერთგულებას შეცვლის კურსს და არ დაუბრუნდება ევროკავშირში გაწევრიანების გზას."

"საქართველოში განვითარებული ნეგატიური მოვლენების გათვალისწინებით, ევროკავშირმა მყისიერად მოუწოდა ხელისუფლებას გაეთავისუფლებინათ ყველა უსამართლოდ დაკავებული პირი. ჩვენ გამოვთქვით შეშფოთებაა არჩევნების რეგულაციის, მშვიდობიანი დემონსტრანტების წინააღმდეგ განხორციელებულ ძალადობის, რეპრესიული კანონების დამტკიცების, სასამართლო სისტემის ინსტრუმენტალიზაციასა და სამოქალაქო სივრცის შეზღუდვის გამო.

ამ მოვლენების საპასუხოდ, ევროკავშირმა მიიღო მნიშვნელოვანი ზომები. ეს მოიცავს, საქართველოს ხელისუფლებისთვის ორმხრივი ფინანსური მხარდაჭერის შეჩერებას, პოლიტიკური კონტაქტების შემცირებას და ევროკავშირის წევრი სახელმწიფოებისთვის ნებართვას დიპლომატიური და სამსახურებრივი პასპორტების მფლობელებისთვის სავიზო შეზღუდვების დასაწესებლად. დისკუსიები სავარაუდო შემზღუდავი ზომების შესახებ გრძელდება, რომელიც მოითხოვს უმრავლესობის თანხმობას ევროპულ საბჭოში.

საქართველოს ევროინტეგრაციის პროცესი არის შეჩერებული, იქამდე, სანამ ხელისუფლება არ გამოიჩენს მტკიცე ერთგულებას შეცვლის კურსს და არ დაუბრუნდება ევროკავშირში გაწევრიანების გზას", — წერია ევროკომისიის პასუხში, რომელსაც ტვ პირველი აქვეყნებს.

ცნობისთვის, ემიგრანტებმა ევროკომისიას წერილი რამდენიმე კვირის წინ გაუგზავნეს. უცხოეთში მცხოვრები ქართველების მთავარი მოთხოვნაა ქართული ოცნების ლიდერების დასანქცირება და მათთვის ევროპულ ქვეყნებში მოგზაურობის შესაძლებლობის შეზღუდვაა.