თბილისის მერობის დამოუკიდებელი კანდიდატი, ალეკო ელისაშვილი ამბობს, რომ, ოპონენტებისგან განსხვავებით, თბილისში მისი პლაკატები არ გაიკვრება.

მისი თქმით, იმის მიუხედავად, რომ მას "თითქმის უფასოდ" სთავაზობდნენ სტამბები მომსახურებას, მაინც უარი თქვა პლაკატების დაბეჭვდაზე.

"ისედაც ეყოფა არქიტექტურული სიმახინჯეები ამ ქალაქს. შესაბამისად, მე ვამბობ უარს პლაკატებზე და ჩემი პლაკატებით არ ავაჭრელებ ქალაქს", - ამბობს ელისაშვილი ვიდეომიმართვაში.