ქართული ოცნების მიერ დანიშნულმა პრეზიდენტმა, მიხეილ ყაველაშვილმა შეკრება-მანიფესტაციებთან დაკავშირებულ საკანონმდებლო ცვლილებებს ხელი მოწერა. შესაბამისი დოკუმენტი "საქართველოს საკანონმდებლო მაცნეზე" გამოქვეყნდა და გამოქვეყნებისთანავე ძალაშია.

შეგახსენებთ, 10 დეკემბერს, ოცნების ხელისუფლების პარლამენტმა შეკრება-მანიფესტაციის შესახებ კანონში ცვლილებები III მოსმენით საბოლოოდ მიიღო. პარლამენტი კანონპროექტში ცვლილებები დაჩქარებული წესით განიხილა.

ცვლილებების მიხედვით შეზღუდვა წესდება ხალხის მოძრაობის ადგილას შეკრებაზე და დემონსტრანტებმა შსს 5 დღის ვადაში უნდა გააფრთხილონ. კანონპროექტში ასევე ვკითხულობთ, რომ უქმდება სახდელით სახით აღმკვეთი ღონისძიება და კანონის დარღვევის შემთხვევაში მოქალაქეს პატიმრობა ემუქრება.

სპონტანური შეკრების დროს დემონსტრანტებს და შეკრების ორგანიზატორებს 15 წუთი ეძლევათ, რომ შსს-ს გაფრთხილების შემდეგ ზომები მიიღონ და გაათავისუფლონ საგზაო თუ საფეხმავლო ნაწილი, წინააღმდეგ შემთხვევაში მათ წინააღმდეგ სამართლებრივ ზომებს გამოიყენებენ.