ოცნების ხელისუფლების პარლამენტმა კომუნიკაციების კომისიის წევრად ყოფილი მაჟორიტარი დეპუტატი გოგა გულორდავა აირჩიეს. ყოფილი დეპუტატი 6 წლით ხდება კომუნიკაციების კომისიის წევრი.

2016-2020 წლებში გულორდავა "ოცნების" მაჟორიტარი დეპუტატი იყო. ComCom-ის წევრობაზე კენჭს იყრიდა ვლადიმერ ტატიშვილი — საზოგადოებრივი მაუწყებლის აჭარის ტელევიზიის ყოფილ დირექტორი და ილია მიქელაიშვილი — შპს "მედიაჰაბი სეილსჰაუსის" და "პირველის" დამფუძნებელი.

ვალდიმერ ტატიშვილს მხარდაჭერა 19-მა წევრმა გამოუცხადა, ხოლო ილია მიქელაიშვილს — 36-მა.

პუბლიკას ინფორმაციით, კომუნიკაციების კომისიის მოქმედი თავმჯდომარის, კახა ბექაურის, უფლებამოსილების ვადა იწურება — ბექაური კომისიას 2017 წლიდან ხელმძღვანელობს და 2023 წლის იანვარში მესამედ აირჩიეს. მანამდე, 2014–2017 წლებში, ის კომისიის წევრი იყო, ხოლო 2012 წელს – ტელეკომპანია "მეცხრე არხის" დირექტორი.

კანონი 2019 წლამდე არ აძლებდა უფლებას ერთ პირს კომისიის თავმჯდომარის პოსტზე ორჯერ არჩევას, თუმცა ოცნებამ ეს შეზღუდვა გააუქმა.