წელს პრემია "თავისუფალის" მესამე დაჯილდოება გაიმართება, რომელზეც 17 სპექტაკლია წარდგენილი. გამარჯვებულები დეკემბრის ბოლოს გამოვლინდებიან.

პრემიაზე წარდგენილ სპექტაკლებს შეაფასებენ: დავით ბუხრიკიძე, თამარ ცაგარელი და ნინო ბურდული.

პრემიები ტრადიციულად 3 ნომინაციაში გაიცემა:

· საუკეთესო სპექტაკლი — 10 000 ლარით

· საუკეთესო მსახიობი — 5 000 ლარით

· საუკეთესო სცენოგრაფი — 5 000 ლარით,

"პრემია "თავისუფალი" დაფუძნდა 2023 წელს, დამოუკიდებელი თეატრების, არტისტებისა და კომპანიების მხარდასაჭერად. პროფესიული პრემია წელიწადში ერთხელ გადაეცემათ უახლესი სათეატრო პროცესების გამორჩეულ ავტორებს. შეფასება ხდება სპეციალურად შემუშავებული კრიტერიუმების საფუძველზე დარგის ექსპერტების მიერ. ორი წლის განმავლობაში საუკეთესო ნამუშევრებისთვის დაჯილდოვდა 5 არტისტი და 2 სათეატრო კომპანია. პრემიის არსებობა სფეროში მიმდინარე პროცესების წახალისებას, ნიჭიერი არტისტების პოპულარიზაციას და მათ ირგვლივ სადისკუსიო სივრცის შექმნას ემსახურება. დაფუძნების დღიდან ინიციატივას მხარი დაუჭირა კერძო სექტორის არაერთმა წარმომადგენელმა, საერთაშორისო ფონდმა, თბილისის მერიამ, ინდივიდუალურმა პირმა და მედია ორგანიზაციამ. პრემია "თავისუფალი" მადლობას უხდის თითოეულ მათგანს.

...პრემია "თავისუფალის" მესამე გამოშვება ეძღვნება ღირებულებებისთვის მებრძოლ ადამიანებს და ჩვენთვის დიდი პატივია, რომ კომპანია "კოკა-კოლა" წელს სრულად უზრუნველყოფს საპრემიო ფონდის გაცემას", ­— ნათქვამია პრემია "თავისუფალის" მიერ გავრცელებულ ინფორმაციაში.

პრემია "თავისუფალის" საინფორმაციო მხარდაჭერას უზრუნველყოფენ: On.ge, "პუბლიკა", at.ge