ნობელის პრემიის ლაურეატმა ფილიპინელმა ჟურნალისტმა, მარია რესამ ევროპარლამენტარებს მზია ამაღლობელისა და საქართველოს მხარდაჭერისკენ მოუწოდა. მან განაცხადა, რომ მზია ამაღლობელი და საქართველო იმსახურებენ საერთაშორისო საზოგადოების მხარდაჭერას.

"ევროპარლამენტმა მხედველობაში უნდა მიიღოს ის, რაც საქართველოში ხდება: სტუდენტები რისკავენ ყველაფერს დემოკრატიული ღირებულებებისთვის; ჟურნალისტები ნათელს ჰფენენ სიმართლეს.

მზია ამაღლობელი იქცა იმ მამაცი პროტესტის სიმბოლოდ, რომელიც დამოუკიდებელი ჟურნალისტების წინააღმდეგაა მიმართული საქართველოში. საერთაშორისო სოლიდარობამ მე მძიმე პერიოდში გამაძლიერა და შემახსენა, რომ ჩვენ მარტონი არ ვართ. ახლა მზიას სჭირდება მსგავსი სოლიდარობა. ის იანვრიდან, უკვე 9 თვეა, რაც პატიმრობაშია და მისი კოლეგები აგრძელებენ მუშაობას უზარმაზარი ზეწოლის პირობებში. თუმცა ისინი ამას მარტო ვერ მოახერხებენ. ეს კრიტიკული მომენტია მზიასთვის და საქართველოსთვის. 310 დღეზე მეტია გრძელდება ყოველდღიური პროტესტი.

ღირებულებები, რომლებზეც ევროპა დგას, ახლა თბილისში იტესტება. სიჩუმე სახიფათო მესიჯს აგზავნის. მზია იმსახურებს თქვენს სოლიდარობას, საქართველო იმსახურებს თქვენს სოლიდარობას. მოქმედების დრო არის ახლა. მადლობა", – განაცხადა მარია რესამ (ტექსტს "ნეტგაზეთი" ავრცელებს).