სუს-ის ცნობით, ჰექსოგენის საქმეზე დადგინდა ბრალდებულ დენის ჟურავლიოვის გლდანის რაიონში დაქირავებული კიდევ ერთი კონსპირაციული ბინა, სადაც სხვადასხვა ზომის კომპიუტერის მიკროსქემები, დოკუმენტები და ფულადი თანხა აღმოაჩინეს.

"სახელმწიფო უსაფრთხოების სამსახურში გრძელდება ოპერატიულ-სამძებრო და საგამოძიებო მოქმედებები "ჰექსოგენის" საქმესთან დაკავშირებით.

დადგინდა ბრალდებულ დენის ჟურავლიოვის მიერ თბილისში, გლდანის რაიონში დაქირავებული კიდევ ერთი კონსპირაციული ბინა, სადაც ჩხრეკა ჩატარდა. შედეგად აღმოჩენილ იქნა სხვადასხვა ზომის კომპიუტერის მიკროსქემები, დოკუმენტები და ფულადი თანხა.

მიმდინარეობს ამოღებული ნივთების კონკრეტული მიზნობრიობის შესწავლა", — ნათქვაია სუს-ის მიერ გავრცელებულ განცხადებაში.

სუს-ის ცნობით, მიმდინარე წლის 10 სექტემბერს სარფის გამშვებ პუნქტში უკრაინის მოქალაქე დააკავეს, რომლებსაც სატვირთო ავტომობილით, "საგულდაგულოდ შენიღბულ სამალავებში მოთავსებული 2.4 კგ ტროტილზე ძლიერი ასაფეთქებელი ნივთიერება ჰექსოგენი შემოჰქონდათ".

უსაფრთხოების სამსახურის ცნობით, ასაფეთქებელი ნივთიერების გარდა ამოიღეს ნარკოტიკული საშუალება კოკაინი, დიდი ოდენობით ფულადი თანხა, 8 ერთეული ტელეფონები, კომპიუტერი და მეხსიერების ბარათი.