საქართველოს ეროვნული ბანკის 2017 წლის 4 ოქტომბრის დადგენილებით, 2018 წლის პირველი იანვრიდან ოქროსფერი 50-თეთრიანი მონეტით ვეღარ გადაიხდით. ამ დღიდან სავაჭრო და ნაღდი ფულით მომსახურების ობიექტებს ანგარიშსწორებისას მათი მიღების ვალდებულება აღარ ექნებათ.

2018 წლიდან, ერთი წლის განმავლობაში, ძველი 50-თეთრიანის ნომინალური ღირებულებით გამოცვლა შესაძლებელი იქნება ნებისმიერ კომერციულ ბანკსა და საქართველოს ეროვნული ბანკის საკასო ცენტრში, ხოლო 2019 წლიდან კი მხოლოდ საქართველოს ეროვნული ბანკში.

მომდევნო წლიდან მიმოქცევაში დარჩება 2006 წელს გამოშვებული ვერცხლისფერი 50-თეთრიანი. ეროვნული ბანკის განცხადებით, ამ მონეტის გაყალბებისგან დასაცავად მიკროელემენტებია დატანილი.

ძველი, ოქროსფერი 50-თეთრიანი მონეტები მიმოქცევაში 1995 წლიდან იყო.