პოლონეთის აღმოსავლეთ ნაწილში დრონის ჩამოვარდნასთან დაკავშირებით, ქვეყნის საგარეო საქმეთა სამინისტრომ რუსეთის საელჩოს საპროტესტო ნოტა გაუგზავნა.

"ეს ინციდენტი ძირს უთხრის რუსეთის ფედერაციის, როგორც ნებისმიერი სამშვიდობო პროცესის სანდო მონაწილის და საერთაშორისო საზოგადოების ფარგლებში ნებისმიერი აქტივობის მონაწილის, ნდობას," — ამბობენ პოლონეთის საგარეო საქმეთა სამინისტროში.

უწყება მომხდარს განზრახ პროვოკაციად აფასებს და ჰიბრიდული ომის ნაწილად მიიჩნევს.

"ჩვენ ამას განვიხილავთ, როგორც განზრახ პროვოკაციას, ჰიბრიდული ომის ნაწილს და პოლონეთის რესპუბლიკის მიმართ მტრულ დამოკიდებულებას," — აცხადებს საგარეო უწყება.

პოლონეთის აღმოსავლეთ ნაწილში, სამხედრო დრონი 20 აგვისტოს ღამით ჩამოვარდა და აფეთქდა. პოლონეთის მთავრობის განცხადებით, დრონი, სავარაუდოდ, ბელარუსიდან იყო შეფრენილი.

ასევე იხილეთ: