თამთა მიქელაძე: ეს სასჯელი ჩემი გადმოსახედიდან, არაპროპორციულია და უსამართლო. დაცვის მხარე მის [მზია ამაღლობელის] გამართლებას ითხოვდა

6 Aug. 2025, 14:56

"როგორც ჩანს, ის საერთაშორისო და საზოგადოებრივი წნეხი, რომელიც ამ საქმეს ახლდა თან — ამან გამოიწვია გარკვეული გავლენა სასამართლოზე და 353-ე პრიმა 353-ედ გადააკვალიფიცირა, მაგრამ მან მაინც არ გაითვალისწინა მთელი ამ საქმის კონტექსტი, მზია ამაღლობელის პერსონალური გარემოებები. ეს სასჯელი ჩემი გადმოსახედიდან, არაპროპორციულია და უსამართლო. დაცვის მხარე მის გამართლებას ითხოვდა. გასაგები იყო, რომ ამ სასამართლო სისტემაში ჩვენ ამას ვერ მივაღწევდით, მაგრამ ნამდვილად სასამართლოს შეეძლო უფრო სამართლიანი და პროპორციული სასჯელის გამოყენება, რომელიც, სამწუხაროდ, აქ ვერ ვიხილეთ, რაც, რა თქმა უნდა, მძიმეა მზიასთვის.

ნამდვილად იქნებოდა ადეკვატური სხვა სასჯელის გამოყენება. სამწუხაროდ, ეს სასამართლომ არ გააკეთა. როგორც ჩანს, ქართული ოცნების განზრახვა, რომ მზია ამაღლობელი უნდა დაისაჯოს და სასჯელი მატერიალიზებული უნდა იყოს — ის ციხეში უნდა იჯდეს — ეს განზრახვა შეასრულეს. სასჯელის შემცირებით, დაბალი კვალიფიკაციის მიცემით მათ თითქოს, გარკვეულ კომპრომისებზე წასვლა აჩვენეს, თუმცა სასჯელის უსამართლობა ისევ ძალიან მძიმე ფაქტორად რჩება ამ საქმეში."

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ