ახალი ამბები On.ge

ზურა ჯაფარიძე

ზურაბ ჯაფარიძე

20 Jul. 2025, 10:57

"რთულია ალბათ, როცა იაზრებ რომ ვიღაცები ქვეყნის პრეზიდენტს გეძახიან, ვიღაცებს კი აიძულებენ ასე დაგიძახონ და ამ დროს, შენზე უკეთესად არავინ იცის, რომ ასეთ ადგილას ყოფნისთვის შესაბამისთან მიახლოებული არც ცოდნა გაქვს, არც გამოცდილება, რადგან ჯამში 100გვერდი არ წაგიკითხავს, მთელი ცხოვრება ბურთის გორაობაში გაატარე და თუ თავში რამე გაქვს წარმოდგენილი ქვეყანაზე, სახელმწიფოზე, ყველაფერი მხოლოდ სუფრაზე გაქვს მოსმენილი.

რთულია ალბათ, როცა იაზრებ, რომ აქ კი დაგარქვეს პრეზიდენტი, მაგრამ ქვეყნის შიგნით მოსახლეობის 2/3-ს ვალერი გაზაევი უფრო შესაფერისად მიაჩნია მაგ ადგილისთვის, ვიდრე შენ.

ხოლო ქვეყნის გარეთ აგერ ნახევარი წელი გავიდა და ერთ პირველ პირს ვერ ჩამოართვი ხელი.

არც ვინმე გეპატიჟება, ვერც ვერავის ეპატიჟები.

რთულია ალბათ, როცა იაზრებ, რომ ყველაფერზე წასვლა, ყველაფრის კადრება მოგიწია, რომ როგორც ახალგაზრდობაში, ახლაც მწვრთნელს ძირითადში დაეყენებინე, რადგან მონობის გარდა ვერაფერში დაინახე ხსნა.

რთულია ალბათ, როცა იაზრებ, რომ ამ ყველაფრის გათვალისწინებით, ცირკში პრეზიდენტის როლზე წარდგენაზე, სხვა რომ არაფერი ჰქონდა გუნდის მფლობელს სათქმელი, შენს გარეგნობას და ღირსებას გაუსვა ხაზი, ანუ ორ რამეს, საიდანაც პირველში შენი წვლილი ნულია, ხოლო მეორე არ გაქვს, რადგან რომ გქონდეს, მაგ მდგომარეობაში ხომ არ ჩაიგდებდი თავს.

რთულია ალბათ, როცა იაზრებ, რომ ეს ყველაფერი იცის ყველა მეზობელმა, ბავშვობის ყველა მეგობარმა, ყველა ნაცნობმა, ყველამ, ვინც კი შემოგხედავს და დაგინახავს, ოჯახის თითოეულმა წევრმა, ყველა შვილმა, შვილებმა ახლა თუ არ იციან, აუცილებლად გაიგებენ ოდესმე და "თქვენთვის გავაკეთემ" შეიძლება არ გაჭრას.

რთულია ასე ცხოვრება. რამდენი ფულიც არ უნდა გქონდეს, რამხელა დაცვაც არ უნდა დაგყვებოდეს და რა მოდელის მერსედესითაც არ უნდა დადიოდე.
მაგრამ ეს მაინც არ არის ჯოჯოხეთი.

თუ ამ ყველაფერს იაზრებ და ასე ცხოვრობ, ამას ჰქვია — ნაბიჭვრობა.
ჯოჯოხეთია, როცა ასე ცხოვრობ და ამ ყველაფერს ვერც იაზრებ, რადგან ქვეყნის დროშას რომ ხედავ, ეგრევე გინდება "ფლაგშტოკის" ძირთან ბურთი მიუდო და … ჩამოაწოდო.

04.07.2025

P.S დაგვიანებით გამოაღწევს ეს ტექსტი აქედან, მაგრამ მაინც არ გავატარებ ამ თემას."

დაწერა ზურაბ ჯაფარიძემ სოციალურ ქსელში და მიხეილ ყაველაშვილის მიერ შეწყალების თხოვნასთან დაკავშირებულ განცხადებას გამოეხმაურა. 4 ივლისს "ქართული ოცნების" პრეზიდენტი დაპატიმრებულ პოლიტიკოსებს შეწყალებას 2 პირობით დაჰპირდა — თუ ოპოზიციური პარტიები მომავალ თვითმმართველობის არჩევნებში მონაწილეობას მიიღებენ და შეწყალების თხოვნით მას მიმართავენ.

წერილი 4 ივლისსაა დაწერილი, თუმცა ობიექტური მიზეზების გამო (ზურაბ გირჩი ჯაფარიძე საპატიმროში იმყოფება) ამ დრომდე მისი გამოქვეყნება ვერ მოხერხდა.

0 0

კომენტარები

კვირის ტოპ-5

  1. $1 მლნ-ზე მეტი ღირებულების ქონების მოპარვისთვის ნიუ-იორკში 48 წლის ქართველი დააკავეს
  2. "რატის ბარში" 18 წლის ბიჭის მკვლელობისთვის ბრალდებულ ივანე გიგლემიანს უვადო პატიმრობა მიესაჯა
  3. ტექნიკური უნივერსიტეტი, "რუსთავი 2"-თან და "იმედთან" ერთად, POSTV-საც სთხოვს ბოდიშის მოხდას
  4. ირაკლი კობახიძე: ჩამოყალიბდება ტექნიკურ მიმართულების ცალკე სკოლად, რომელსაც ექნება ავტონომიის მაღალი ხარისხი
  5. სამთავრობო ტელეკომპანია “იმედის” ეთერში პოლიტიკურ დებატებს მაგდა ანიკაშვილი გაუძღვება

გირჩევთ

ახლა კითხულობენ

გადახედვა

იუპიტერი იმაზე "პატარაა", ვიდრე აქამდე მიიჩნეოდა — როგორია ახალი მონაცემები

NASA-ს ზონდ "ჯუნოს" მონაცემების მიხედვით, იუპიტერი იმაზე ოდნავ მცირე ზომისაა, ვიდრე ათწლეულების განმავლობაში მიიჩნეოდა.…