გუშინ, 16 ივლისს, "საერთაშორისო გამჭვირვალობა საქართველომ" გამოაქვეყნა 42 არასამთავრობო ორგანიზაციის განცხადება, სადაც ისინი ევროკავშირის მხრიდან უვიზო მიმოსვლის გაუქმების საფრთხის შესახებ გავრცელებულ განცხადებას ეხმაურებიან.

არასამთავრობო ორგანიზაციები ამ საფრთხის გამოწვევაში ოცნების ხელისუფლებას ადანაშაულებენ.

როგორც განცხადებაშია მოცემული, უვიზო მიმოსვლის გაუქმების შემთხვევაში, მთელი პასუხისმგებლობა მიენიჭება ივანიშვილის ხელისუფლებას.

"თუ საქართველოს მოქალაქეებისთვის უვიზო მიმოსვლა შეჩერდა, ამაზე სრული პასუხისმგებლობა ეკისრება ივანიშვილის ხელისუფლებას, რომელმაც ერთი ხელის მოსმით გაანადგურა ათწლეულების შრომით მიღწეული პროგრესი და რომელიც ქართველი ხალხის ნების საწინააღმდეგოდ, მიზანმიმართულად აზიანებს ქვეყნის დასავლურ მომავალს".

ორგანიზაციის განცხადებაში ნათქვამია, რომ ეს არის ბოლო გაფრთხილება ევროკავშირიდან, რათა შეიცვალოს საქართველოს საგარეო კურსი.

"მივიჩნევთ, რომ ევროკავშირის მხრიდან მსგავსი გაფრთხილება სიგნალია როგორც ივანიშვილის მთავრობის, ასევე მთლიანად საზოგადოებისთვის: ჩვენთვის ცხადია, რომ ევროპული ოჯახი არ შეეგუება დემოკრატიული ფასეულობების იგნორირებას. ეს არის ბოლო გაფრთხილება იმ დესტრუქციული კურსის შესაცვლელად, რომელიც ევროპისგან გვაშორებს".

წერილის ავტორები წერენ, რომ არასამთავრობო ორგანიზაციები ბოლომდე იბრძოლებენ იმ მთავარი ფასეულობების შესანარჩუნებლად, რომლებიც ევროკავშირთან "არა მხოლოდ დოკუმენტურად, არამედ არსობრივად — თავისუფლების, ღირსებისა და კანონის უზენაესობის საფუძველზე" აკავშირებენ.

გავრცელებულ წერილში 40-ზე მეტი ქართული არასამთავრობო ორგანიზაცია მოუწოდებს ოცნების ხელისუფლებას, შეწყვიტოს ქართველი ხალხის მიერ არჩეული გზიდან გადახვევა.

"მოვუწოდებთ ივანიშვილს შეწყვიტოს საქართველოს მოსახლეობის აბსოლუტური უმრავლესობის ევროპული არჩევანისა და საქართველოს კონსტიტუციის საბოტაჟი".

მოცემულ დოკუმენტს ხელს აწერენ შემდეგი ქართული არასამთავრობო ორგანიზაციები:

1. ასოციაცია “სოციალური ქოლგა”
2. აღმოსავლეთ ევროპული ცენტრი მრავალპარტიული დემოკრატიისთვის (EECMD)
3. აღმოსავლეთ ევროპული ცენტრი მრავალპარტიული დემოკრატიისთვის
4. ახალგაზრდები სამეგრელოს განვითარებისთვის
5. განათლების პოლიტიკის, დაგეგმვისა და მართვის საერთაშორისო ინსტიტუტი
6. გორელ ფოტოგრაფთა კლუბი – გორის ხელოვნების სახლი
7. დემოკრატიის კვლევის ცენტრი
8. დემოკრატიის მცველები
9. ევროპულ-ქართული ინსტიტუტი
10. ეკონომიკური პოლიტიკის კვლევის ცენტრი
11. ინფორმაციის თავისუფლების განვითარების ინსტიტუტი
12. ლომეკი
13. მედიაომბუდსმენი
14. პრევენცია პროგრესისთვის
15. პროფესიო – პიროვნული და პროფესიული განვითარების ცენტრი
16. ჟურნალისტთა კავშირი “ხალხის ხმა”
17. საერთაშორისო გამჭვირვალობა საქართველო
18. სამოქალაქო მოძრაობა თავისუფლებისთვის
19. სამოქალაქო საზოგადოების ფონდი
20. საორსა
21. საფარი
22. საქართველოს ახალგაზრდა იურისტთა ასოციაცია
23. საქართველოს ბავშვთა მენტალური ჯანმრთელობის ასოციაცია
24. საქართველოს ევროპული ორბიტა
25. საქართველოს ფსიქო სოციალური დახმარების ასოციაცია ნდობა
26. საქართველოს ფსიქოტრავმის საზოგადოება
27. ტოლერანტობისა და დემოკრატიის ინსტიტუტი
28. უფლებები საქართველო
29. ქალები რეგიონის განვითარებისთვის
30. ქვემო ქართლის ქალთა ასოციაცია “ქალი და სამყარო”
31. შშმ ქალთა ალიანსი
32. წამების მსხვერპლთა ფსიქოსოციალური და სამედიცინო რეაბილიტაციის ცენტრი – GCRT
33. DOCA დოკუმენტური კინოს ასოციაცია
34. ENPUD -ფენიქსი 2009
35. Femina
36. Start now
37. WeResearch
38. Tbilisi Pride
39. მწვანე ალტერნატივა
40. ISFED
41. ყვარლის ევროკლუბი
42. ქალთა ინიციატივების მხარდამჭერი ჯგუფი