2024 წლის 2 ივლისს, სომხეთის ეროვნულმა კრებამ პირველი მოსმენით მიიღო საკანონმდებლო პაკეტი, რომელიც "სომხეთის ელექტროქსელების" (Electric Networks of Armenia CJSC) ნაციონალიზაციის საშუალებას იძლევა. ინიციატივას მხარი 65 დეპუტატმა დაუჭირა. ამის შესახებ ინფორმაციას News.am ავრცელებს.

პროექტის მიხედვით, სომხეთის საზოგადოებრივი მომსახურების მარეგულირებელ კომისიას მიეცემა უფლება, სერიოზული დარღვევების აღმოჩენის შემთხვევაში, შეცვალოს კომპანიის მენეჯმენტი. კომისია ასევე შეძლებს შესაბამისი გამოძიების ჩატარებას. ასეთ შემთხვევაში, მას ექნება უფლება დროებით ჩამოაშოროს ქსელის მფლობელები მართვას და დანიშნოს დროებითი მმართველი — სპეციალისტი, რომელსაც ენერგეტიკის ან მენეჯმენტის სფეროში მინიმუმ 5 წლიანი გამოცდილება ექნება.

ოპოზიციამ აღნიშნული ინიციატივა შეაფასა როგორც სახელმწიფო რეკეტისა და ინვესტორების ქონების წართმევის მცდელობა და პოლიტიკური ზეწოლა "სომხეთის ელექტროქსელების" მფლობელზე — რუსული კომპანია "ტაშირის" ხელმძღვანელზე სამველ კარაპეტიანზე.