საქართველოს საგარეო საქმეთა სამინისტრო ახლო აღმოსავლეთში განვითარებულ მოვლენებთან დაკავშირებით სოციალურ ქსელ X-ზე განცხადებას ავრცელებს.

"ჩვენ ღრმა შეშფოთებას გამოვთქვამთ ახლო აღმოსავლეთში მზარდი დაძაბულობის გამო, რაც საფრთხეს უქმნის რეგიონულ უსაფრთხოებას. ჩვენ მკაფიოდ ვუსვამთ ხაზს დიპლომატიური ძალისხმევის მნიშვნელობას დაძაბულობის შემცირების და სტაბილურობის უზრუნველსაყოფად",— წერია განცხადებაში.

ცნობისთვის,ახლო აღმოსავლეთში დაძაბულობის უპრეცედენტო გამწვავების ფონზე, ისრაელმა პარასკევს, გამთენიისას, მასშტაბური სამხედრო იერიში მიიტანა ირანის ბირთვულ და სამხედრო ობიექტებზე. საჰაერო შეტევები, რომელიც ირანის წინააღმდეგ განხორციელებული ყველაზე ინტენსიური იერიში იყო ისრაელის თანამედროვე ისტორიაში, ძირითადად მიმართული იყო ბირთვულ ობიექტებზე, სარაკეტო ბაზებსა და ირანის უმაღლეს სამხედრო ხელმძღვანელობაზე.