აშშ-ის სენატის საგარეო ურთიერთობათა კომიტეტის წევრი, სენატორი სტივ დეინსი ოცნების ხელისუფლების პრემიერმინისტრ ირაკლი კობახიძესთან შეხვედრას X-ზე ეხმაურება.

ტვიტის თანახმად, “სენატორმა დაადასტურა საქართველოს გადამწყვეტი როლი კავკასიასა და მის ფარგლებს გარეთ მშვიდობისა და კეთილდღეობის ხელშეწყობაში და მკაცრად მოუწოდა საქართველოს, მჭიდროდ ითანამშრომლოს პრეზიდენტ ტრამპთან და მის ადმინისტრაციასთან საერთო ეკონომიკური და უსაფრთხოების ინტერესების წინსვლის მიზნით”.

"სენატორი დეინსი დღეს მიესალმა საქართველოს პრემიერმინისტრ ირაკლი კობახიძესთან შეხვედრის შესაძლებლობას, რათა განეხილა აშშ-საქართველოს ურთიერთობების გაძლიერების საკითხები. სენატორმა დაადასტურა საქართველოს გადამწყვეტი როლი კავკასიასა და მის ფარგლებს გარეთ მშვიდობისა და კეთილდღეობის ხელშეწყობაში და მკაცრად მოუწოდა საქართველოს, მჭიდროდ ითანამშრომლოს პრეზიდენტ ტრამპთან და მის ადმინისტრაციასთან ჩვენი საერთო ეკონომიკური და უსაფრთხოების ინტერესების წინსვლის მიზნით", — წერს სენატორი.

მანამდე შეხვედრას ირაკლი კობახიძეც გამოეხმაურა X-ზე. ოცნების პრემიერი წერს, რომ "შეხვედრისას საუბარი შეეხო აშშ-საქართველოს ურთიერთობებს, საქართველოს როლს რეგიონში, ასევე ქვეყანაში არსებულ პოლიტიკურ ვითარებას".

დღეს რესპუბლიკელმა სენატორმა შეხვედრა გამართა საქართველოს მე-5 პრეზიდენტ სალომე ზურაბიშვილთანაც. ამის შესახებ ზურაბიშვილმა ბრიფინგზე თქვა.