თუშეთში, ხახაბოს ტყეში ხანძარს მესამე დღეა აქრობენ. აქ ხანძარსაწინააღმდეგო სამუშაოები მთელი ღამის განმავლობაში მიმდინარეობდა. ამის შესახებ ინფორმაცია On.ge-ს საგანგებო სიტუაციების მართვის სააგენტოს საზოგადოებასთან ურთიერთობის სამსახურში განუცხადეს.

მათივე ინფორმაციით, ძლიერი ქარის მიუხედავად მეხანძრე-მაშველებმა ცეცხლის არეალს გაზრდის საშუალება არ მისცეს. ამ ეტაპზე ხანძარი სრულად ლოკალიზებული არაა და ცალკეული კერების ჩაქრობის სამუშაოები ტარდება.