აშშ-ს ფედერალურმა მოსამართლემ 21 დღით შეაჩერა ტრამპის ადმინისტრაციის ბრძანების შესრულება, რომელიც ამერიკული საერთაშორისო მაუწყებლის — "ამერიკის ხმის" დახურვას უკავშირდება. ამის შესახებ Euronews წერს.

სარჩელი მედიის თანამშრომლებმა და პროფკავშირებმა შეიტანეს. მათი თქმით, ხელისუფლების ქმედებები არღვევს ჟურნალისტების სიტყვის თავისუფლების უფლებას.

როგორც Reuters წერს, რომ სასამართლოს გადაწყვეტილება მაუწყებლობის განახლებას არ მოითხოვს, თუმცა კრძალავს თანამშრომლების გათავისუფლებას საქმის წარმოების დასრულებამდე. სასამართლო დაადგენს, იყო თუ არა "ამერიკის ხმის" დახურვა "თვითნებური".

მოსამართლე ჯეიმს პოლ ოტკენმა აშშ-ის გლობალური მედიის სააგენტოს (USAGM) 1200-ზე მეტი ჟურნალისტის, ინჟინრის და სხვა თანამშრომლის გათავისუფლება აუკრძალა მას შემდეგ, რაც პრეზიდენტმა დონალდ ტრამპმა მისი დაფინანსების შემცირების ბრძანება გასცა. შეგახსენებთ, რომ USAGM "ამერიკის ხმას" მართავს.

ოეტკენმა გამოსცა დროებითი ბრძანება, რომელიც სააგენტოს უკრძალავს თანამშრომლების ან კონტრაქტორების სამსახურიდან გათავისუფლებას, ან ნებისმიერი ოფისის დახურვას ან საზღვარგარეთ მყოფი თანამშრომლების შეერთებულ შტატებში დაბრუნების მოთხოვნის განხორციელებას.

ბრძანება ასევე ხელს უშლის USAGM-ს, შეწყვიტოს გრანტების დაფინანსება სხვა მაუწყებლებისთვის, მათ შორის რადიო თავისუფალი ევროპისთვის/რადიო თავისუფლებისთვის, რადიო თავისუფალი აზიისთვის და რადიო თავისუფალი ავღანეთისთვის.

სააგენტომ ხუთშაბათს განაცხადა, რომ ვაშინგტონის მოსამართლის გადაწყვეტილების შემდეგ, ის რადიო "თავისუფლების ევროპის" დაფინანსებას აღადგენს. ეს არის "პრესის თავისუფლებისა და პირველი შესწორების ისტორიული გამარჯვება და მწვავე საყვედური" ტრამპის ადმინისტრაციის მიმართ "ჩვენი დემოკრატიის განმსაზღვრელი პრინციპების სრული უგულებელყოფისთვის", – განაცხადა მოსარჩელეების ადვოკატმა ენდრიუ გ. სელი უმცროსმა.

მეტი "ამერიკის ხმისა" და "რადიო თავისუფლების" შესახებ: