აშშ-ის დემოკრატმა სენატორმა, კორი ბუკერმა სენატში გამოსვლის რეკორდი მოხსნა, მან 25 საათი და 5 წუთი ტრამპის კრიტიკას დაუთმო. ამის შესახებ Reuters წერს.

ნიუ ჯერსელი 55 წლის სენატორი კორი ბუკერი სიტყვით გამოსვლა სენატში 1-ლი მარტის საღამოს 7 საათზე დაიწყო და 25 საათი და 5 წუთი გაგრძელდა. როგორც Reuters წერს, მან მთელი ეს დრო რესპუბლიკელი პრეზიდენტისა და მისი მილიარდერი მთავარი მრჩევლის, ილონ მასკის "ჯვაროსნულ ლაშქრობას" დაუთმო, რომლითაც ფედერალური მთავრობის დიდი ნაწილი შემცირდა.

"ჩვენს ინსტიტუტებს დაუფიქრებლად და არაკონსტიტუციურად ესხმიან თავს და ანადგურებენ კიდეც", — თქვა ბუკერმა, რომელიც პირველად სენატში 2013 წელს აირჩიეს.

დემოკრატმა სენატორმა კორი ბუკერმა აშშ-ის სენატის ისტორიაში ყველაზე ხანგრძლივი სიტყვით გამოსვლის რეკორდი მოხსნა. მანამდე ყველაზე ხანგრძლივი სიტყვის სამხრეთ კაროლინელ სენატორს სტრომ თარმონდს ეკავა.

1957 წლის ზაფხულში, თარმონდის გამოსვლა სენატში 24 საათი და 18 წუთი გაგრძელდა.

"ჩვენს ინსტიტუტებს თავს არაკონსტიტუციურად ესხმიან და ანადგურებენ. მჯერა, რომ ჩვენი ქვეყანა კრიზისშია. მხოლოდ 71 დღის განმავლობაში პრეზიდენტმა ამერიკელების უსაფრთხოებას, ფინანსურ სტაბილურობას, დემოკრატიის მთავარ პრინციპებს დიდი ზიანი მიაყენა. ეს ამერიკაში ნორმალური პერიოდი არ არის" — თქვა კორი ბუკერმა სენატში.