დღეს, 31 მარტს, თბილისსა და საქართველოს 6 დიდ ქალაქში 15 საპროტესტო აქცია გაიმართება. საერთო სახალხო პროტესტს უერთდებიან: ზუგდიდში, ბათუმში, ქუთაისში, ახალციხეში, თელავსა და ჩხოროწყუში.

მთავარი საპროტესტო აქცია თბილისში — "დგება ხალხის გაზაფხული" 20:00 საათზე დაიწყება.

21:00 საათზე საზოგადოებას სიტყვით მიმართავს საქართველოს მე-5 პრეზიდენტი — სალომე ზურაბიშვილი.

"31 მარტი არის ქართველი ხალხის გამოღვიძების დღე, როდესაც, 1991 წელს, საქართველოს მოქალაქეთა 99.08%-მა "დიახ" უთხრა დამოუკიდებლობის აღდგენას და რუსული ბატონობის დასრულებას.

და ჩვენს ქუჩაზეც მოდის გაზაფხული. ახალი სიცოცხლით, ახალი ძალებით მოდის ხალხის გაზაფხული.

31 მარტს, 20:00 საათზე, ვიკრიბებით რუსთაველზე.

21:00 საათზე საზოგადოებას სიტყვით მიმართავს საქართველოს პრეზიდენტი — სალომე ზურაბიშვილი", — ნათქვამია ორგანიზატორების მიერ გავრცელებულ განცხადებაში.

დღეს, 31 მარტს დაგეგმილი აქციების ჩამონათვალი:

თბილისი:

12:00 — "ანწუხელიძე უკვდავია" — პარლამენტის უკანა შესასვლელი;

19:00 — სტუდენტების მსვლელობა: ჩვენი მომავალი დამოუკიდებელი საქართველოა!;

19:00 — რეფერენდუმის დღისადმი მიძღვნილი მსვლელობა რესპუბლიკის მოედანი;

19:00 — მოძრაობა სოციალური დემოკრატიისთვის — აკაკი ჩხენკელის ბიუსტი;

19:00 — პროტესტი საზოგადოებრივ მაუწყებელთან;

20:00 — კულტურის სფეროს წარმომადგენელთა მსვლელობა — რუსთაველის თეატრი;

20:00 — პროტესტი პარლამენტთან: "დგება ხალხის გაზაფხული";

21:00 — საჯარო ექცია საპროტესტო აუდიტორიის მიერ — ილია და აკაკის ძეგლთან;

ახალციხე:

18:00 — პროტესტი — შოთა რუსთაველის ძეგლთან;

ბათუმი:

19:00 — დამოუკიდებლობა დასაცავია — საკონსტიტუციო სასამართლოსთან;

ზუგდიდი:

19:00 — არ დავთმობთ დამოუკიდებლობას — სამხარეო ადმინისტრაციის წინ;

თელავი:

19:00 — უწყვეტი პროტესტი თელავში — მერიის წინ;

ქუთაისი:

19:00 — სახალხო პროტესტი ქუთაისში — მერიის წინ;

ჩხოროწყუ:

20:00 — გაბედე პროტესტი ყოველდღე 19:00 — მერიის წინ.