ამ წუთებში ვილნიუსში საქართველოს მე-5 პრეზიდენტი სალომე ზურაბიშვილი ლიეტუვის პრეზიდენტს, გიტანას ნაუსედას ხვდება. ინფორმაციას სალომე ზურაბიშვილის ადმინისტრაცია ავრცელებს.

მანამდე ზურაბიშვილმა შეხვედრები გამართა ლიეტუვის პარლამენტის თავმჯდომარის მოადგილეს, რადვილე მორკუნაიტეს და დეპუტატებს შეხვდა და ლიეტუველ პარლამენტარებს სიტყვით მიმართა.

საქართველოს მე-5 პრეზიდენტმა, სალომე ზურაბიშვილმა ლიეტუვის რესპუბლიკის პარლამენტში სიტყვით გამოსვლისას თქვა, რომ "ქართველი ხალხის მოლოდინების მიუხედავად, ისინი [ოცნება] ცდილობენ, საქართველო უკან, რუსული სტილის მმართველობაში დააბრუნონ და რუსული კოშმარი ბრუნდება, რომ გვდევნოს 21-ე საუკუნეში.

"ჩვენ დღეს ვართ რეპრესიების ქვეშ მყოფი ერი - ჟურნალისტები, სამოქალაქო აქტივისტები, პოლიტიკოსები მიჰყავთ პოლიციის განყოფილებებში და გაყალბებულ ბრალდებებს უყენებენ მათ.

აქ, როცა აქ ვდგავარ თქვენს წინაშე ერთ-ერთი ცნობილი ხელოვანის სასამართლო პროცესი მიმდინარეობს და მას, შესაძლოა არაფრის გამო 11 წელი მიუსაჯონ იმის გამო, რომ ის მშვიდობიანად აპროტესტებდა.

ეს ხელისუფლება იყენებს რუსულ ტაქტიკას. ისინი იარაღად იყენებენ პოლიციას, ძალაუფლებას, მართლმსაჯულებას საკუთარი მოქალაქეების წინააღმდეგ.

მზია ამაღლობელის საქმე, რომელიც აშუქებდა საპროტესტო მოძრაობას, ასევე სტუდენტები, რომლებსაც ბრალს დებენ, რომ ისინი მონაწილეობდნენ ჯგუფურ ძალადობაში.

ეს ადამიანები არ არიან კრიმინალები, ისინი არიან უბრალო მოქალაქეები, რომლებსაც სჯერათ დემოკრატიული მომავლის", — განაცხადა სალომე ზურაბიშვილმა (EuroNews-ის სინქრონულ თარგმანს ტაბულა ავრცელებს).