ქეით ბლანშეტი ისურვებდა, ჰოლივუდის გლამურული დაჯილდოების ცერემონიები კამერების გარეშე ტარდებოდეს. ოსკაროსანი ავსტრალიელი მსახიობი ცოტა ხნის წინ ერთ-ერთ პოდკასტში იყო სტუმრად, სადაც ისაუბრა, თუ როგორი რთულია თანამედროვეობაში ცნობილი ადამიანებისთვის თუნდაც მცირე ხნით განმარტოება.

"ძალიან ცოტაღა დარჩა ისეთი სივრცე, სადაც განმარტოება შეგიძლია", — ამბობს ბლანშეტი, — "აი, ამიტომ მიყვარდა 80-იანების მიწურული, როცა შეგეძლო წვეულებაზე წასულიყავი და ხალხიც იქ დაგხვდებოდა. ისინი იქ იყვნენ და ერთად ატარებდნენ კარგ დროს. სიმყუდროვე იყო, არავინ გიღებდა და არც არავის აინტერესებდა, რას აკეთებდი".

ფოტო: Getty Images

როცა საუბარი დაჯილდოების ცერემონიებს შეეხო, მსახიობს განუმარტეს, რას ნიშნავს "ტუჩების კითხვა" — სოციალურ ქსელებში ამ მეთოდით ცდილობენ ხოლმე, გაიგონ ღონისძიებაზე მყოფი ვარსკვლავების ერთმანეთში საუბრის შინაარსი. ბლანშეტი ამ ამბის შეტყობით აღფრთოვანებული არ დარჩენილა და თქვა, რომ აჯობებს, ასეთი ღონისძიებები ტელეკამერების გარეშე გაიმართოს.

"ვიცი, სიწმინდეს ვეხები, მაგრამ ვისურვებდი, იმ დროში დავბრუნებულიყავი, როცა დაჯილდოების ცერემონიები ტელევიზიით არ გადაიცემოდა, ხალხი კი თავისუფლად ერთობოდა წვეულებაზე", — აღნიშნა მსახიობმა, — "[წითელი ხალიჩის] ჩაცმულობა და სხვა ყველაფერი კარგია; ბოლოს გავიგებთ, ვინ მოიგო და ვინ — ვერა, მაგრამ უმჯობესი იქნებოდა, ეს ყველაფერი დახურულ კარს მიღმა ხდებოდეს. სულ სხვაგვარი საღამო გამოვიდოდა".

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...