თბილისის საქალაქო სასამართლოში პროევროპულ აქციებზე დაკავებული 8 პირის: ზვიად ცეცხლაძის, თორნიკე გოშაძის, ნიკოლოზ ჯავახიშვილის, ირაკლი მიმინოშვილის, გიორგი გიორგაძის, ისლამ ალიევის, ვეფხია კასრაძისა და ვასილ კაძელაშვილის პროცესი დაიწყო.

საქმეს დავით მგელიაშვილი იხილავს. დღევანდელი პროცესი მტკიცებულებათა განხილვით გრძელდება.

სხდომას ესწრებიან ბრალდებულების ახლობლები და ოჯახის წევრები, ასევე პოლიტიკოსები: ბადრი ჯაფარიძე, ფიქრია ჩიხრაძე, ვატო სურგულაძე და ლევან გოგიჩაიშვილი.

გამოძიება თორნიკე გოშაძეს, ნიკოლოზ ჯავახიშვილს, ირაკლი მიმინოშვილს, გიორგი გიორგაძეს და ილსამ ალიევს ჯგუფურ ძალადობაში მონაწილეობაში სდებს ბრალს, რაც 4-დან 6 წლამდე პატიმრობას ითვალისწინებს; ხოლო ზვიად ცეცხლაძეს, ვეფხია კასრაძეს და ვასილ კაძელაშვილს — ჯგუფური ძალადობის ორგანიზებასა და ხელმძღვანელობას, რაც 6-დან 9 წლამდე პატიმრობით ისჯება.