ოსიაური-ჩუმათელეთის 15 კილომეტრიან მონაკვეთზე ჩქაროსნული მაგისტრალის მშენებლობა იწყება. ამის შესახებ საქართველოს პრემიერ მინისტრმა, გიორგი კვირიკაშვილმა დღეს გამართულ მთავრობის სხდომაზე განაცხადა. მისივე თქმით, პროექტის ღირებულება 500 მილიონ ლარს შეადგენს.

ოსიაური-ჩუმათელეთი ბოლო მონაკვეთია, რომლის შემდეგაც რიკოთი იწყება. პრემიერ მინისტრის განცხადებით, რიკოთის მონაკვეთზე დიზაინის საბოლოო დაზუსტება მიმდინარეობს და პროექტის ღირებულება მილიარდი დოლარი იქნება. კვირიკაშვილის თქმით, ეს იქნება მაგისტრალის ყველაზე მნიშვნელოვანი და ამავდროულად ყველაზე რთული მონაკვეთი, რომლის სიგრძე 55 კილომეტრი იქნება და რომლის ფარგლებშიც 90 ხიდი და 40 გვირაბი აშენდება.

"მომავალი წლისთვის ჩვენ უკვე მზად ვიქნებით ამ მონაკვეთის მშენებლობის დაწყებისთვის. მოხარული ვარ, რომ ძალიან კარგი ტემპით მივდივართ, არ გვაქვს ჩამორჩენა სივრცითი განვითარების გეგმით გათვალისწინებულ დროით ინდიკატორებთან, რაც ძალიან მისასალმებელია", - განაცხადა გიორგი კვირიკაშვილმა.