საქართველოს ცენტრალურმა საარცევნო კომისიამ თბილისის საკრებულოს დამოუკიდებელი დეპუტატი - ალეკო ელისაშვილი თბილისის მერობის კანდიდატად დაარეგისტრირა. შესაბამისი გადაწყვეტილება ცესკოს თავმჯდომარემ, თამარ ჟვანიამ 3 სექტემბერს მიიღო.

პირველ სექტემბერს თბილისის მერობის დამოუკიდებელმა კანდიდატმა, ალეკო ელისაშვილმა ცენტრალურ საარჩევნო კომისიას 20 ათასი ხელმოწერა წარუდგინა.

24 აგვისტოს ალეკო ელისაშვილმა განაცხადა, რომ საქართველოს ცენტრალურმა საარჩევნო კომისიამ უსინდისო გადაწყვეტილება მიიღო. მისი თქმით, მას 10 ათასი ხელმოწერის წარსადგენად ცესკომ შვიდდღიანი ვადა მისცა.

იმავე დღეს, ალეკო ელისაშვილის განცხადებას ცესკო გამოეხმაურა. მათ განცხადებაში ნათქვამია, რომ კანდიდატების რეგისტრაციის პროცედურასთან დაკავშირებით მცდარი ინფორმაცია გავრცელდა.

საქართველოში ადგილობრივი თვითმმართველობის არჩევნები 2017 წლის 21 ოქტომბერს გაიმართება.