"კანზე აღენიშნება მსუბუქი დაზიანება, რაც, ალბათ, შიმშილობისგან არის გამოწვეული, — ამის შესახებ ამის შესახებ ბათუმელებისა და ნეტგაზეთის დამფუძნებლის მზია ამაღლობელის ადვოკატმა ჯუმბერ ქათამაძემ ინტერპრესნიუსთან განაცხადა. მისი თქმით, პენიტენციური სამსახური სამედიცინო დოკუმენტებს არ აძლევს მათ, რომ უფრო დეტალურად გაიგონ, რა ცვლილება მოხდა მის ჯანმრთელობაში

"ჯანმრთელობის მხრივ არაფერი შეცვლილა, ვიზუალურადაც ძველებურად გამოიყურება, მხოლოდ კანზე აღენიშნება მსუბუქი დაზიანება, რაც, ალბათ, შიმშილობისგან არის გამოწვეული. პენიტენციური სამსახური მის შესახებ სამედიცინო დოკუმენტებს არ გვაწვდის, რათა უფრო დეტალურად გავიგოთ, რა ცვლილება მოხდა მის ჯანმრთელობაში. გუშინ სისხლის ანალიზი აუღეს და არ ვიცით პასუხი, ჯერაც ველოდებით პენიტენციურ სამსახურს, მოგვაწოდოს ინფორმაცია", — აღნიშნა ჯუმბერ ქათამაძემ.