საქართველოში ესტონეთის ელჩი, მარგე მარდისალუ-კაჰარი მზია ამაღლობელის "დაუყოვნებლივ" გათავისუფლებას მოუწოდებს. იგი აღნიშნავს, რომ "საქართველოში თავისუფალი მედიისთვის ბნელი დღეებია".

ამის შესახებ საქართველოში ესტონეთის ელჩი სოციალურ ქსელ X-ზე წერს.

"საქართველოში ევროკავშირის წარმომადგენლობა შეხვდა "ბათუმელებს", "ნეტგაზეთს" მზია ამაღლობელის მხარდასაჭერად, რომელსაც ციხეში 7-წლიანი პატიმრობა ემუქრება. ის მე-17 დღეა შიმშილობს და მისი მდგომარეობა უკიდურესად შემაშფოთებელია. მისი დაუყოვნებლივ გათავისუფლების მოწოდებით გამოვდივართ. შავი დღეებია თავისუფალი მედიისთვის საქართველოში", — წერს მარდისალუ-კაჰარი.