"დროა, ბრიუსელში ბიუროკრატებმა და სოროსის ქსელმა საქართველოს მთავრობაზე თავდასხმა შეწყვიტო", — ამის შესახებ უნგრეთის პრემიერმინისტრმა, ვიქტორ ორბანმა ოცნების პარლამენტის თავმჯდომარესთან, შალვა პაპუაშვილთან შეხვედრის შემდეგ X-ზე დაწერა.

ორბანი პაპუაშვილს მხარდაჭერას უცხადებს.

"დროა, ბრიუსელში ბიუროკრატებმა და სოროსის ქსელმა საქართველოს მთავრობაზე თავდასხმა შეწყვიტონ. საქართველოს სუვერენიტეტისთვის ბრძოლაში პარლამენტის თავმჯდომარეს, შალვა პაპუაშვილს ჩემი მხარდაჭერა გამოვუცხადე", — დაწერა უნგრეთის პრემიერმინისტრმა, ვიქტორ ორბანმა.

ორბანის განცხადებას რესპუბლიკელი კონგრესმენი, ჯო უილსონი გამოეხმაურა. მან X-ზე ბიძინა ივანიშვილისა და ჯორჯ სოროსის ერთობლივი ფოტო გამოაქვეყნა და დაწერა, რომ "პრემიერმინისტრი ორბანი ცდება, ბიძინა ივანიშვილი რეალურად კარგად იცნობს სოროსს".

ბიძინა ივანიშვილი და ჯორჯ სოროსი

ბიძინა ივანიშვილი და ჯორჯ სოროსი

ფოტო: Joe Wilson

"სამწუხაროდ, პრემიერმინისტრი ორბანი ცდება. ჩინეთის კომუნისტური პარტიის და ირანის რეჟიმის მეგობარი ბიძინა ივანიშვილი რეალურად კარგად იცნობს სოროსს", — წერს ჯო უილსონი X-ზე.