თბილისის მერობის კანდიდატი ქართული ოცნებიდან კახა კალაძე ფიქრობს, რომ საქართველოს ტყეებში გაჩენილი ხანძარი შესაძლოა, დივერსიის შედეგი იყოს. ამის შესახებ კალაძემ კვირის პალიტრასთან ისაუბრა.

"დიდი დანაკარგი გვაქვს, განადგურდა უნიკალური ტყეების დიდი მასივები. რაც ამ ზაფხულს მოხდა, მგონი არც ერთ წელიწადს არ ყოფილა, თუ არ ჩავთვლით 2008 წლის ომის დროს გადამწვარ ტყეებს, რაც ნამდვილად აჩენს ეჭვს, რომ ეს შეიძლება იყოს დივერსიული მოქმედებების შედეგი. არ ვიცი ვისი მხრიდან, ამას შესაბამისი სამსახურები დაადგენენ", - განაცხადა კალაძემ.

მისი თქმით, ქვეყანამ ხანძრის ჩასაქრობ ტექნიკასა და აღჭურვილობაზე ფული არ უნდა დაზოგოს.

ბოლო ერთ თვეში საქართველოს ტყეებში 30-ზე მეტი ხანძრის შემთხვევა დაფიქსირდა.