გიორგი გახარია თავდასხმის შესახებ მიმართვას ავრცელებს და ამბობს, რომ მასზე თავდასხმა წინასწარ ორგანიზებული, ხოლო თავდასხმის დამკვეთი "ქართული ოცნების" საპატიო თავმჯდომარე ბიძინა ივანიშვილი იყო.

"მინდა, კიდევ ერთხელ, მადლობა გადაგიხადოთ მხარდაჭერისთვის. დღეიდან მუშაობის ჩვეულ რიტმს ვუბრუნდები.

რაც შეეხება თავდასხმას, ეს იყო წინასწარ ორგანიზებული, ჩასაფრებით მოწყობილი,
პოლიტიკური შურისძიება. თავდასხმის დამკვეთი - ბიძინა ივანიშვილი.

ივანიშვილი დიდი ხანია მემუქრება მე და ჩემს ოჯახს, სხვადასხვა ფორმით და გზებით, მათ შორის, საჯაროდაც. მე არ მაინტერესებს ამ თავდასხმის შემსრულებლები. მე საქმე მაქვს ჩემზე თავდასხმის და მოქალაქეებზე ძალადობის დამკვეთთან.

რაც შეეხება გამოძიებას, მათ ვაძლევთ შესაძლებლობას, შეინარჩუნონ სახე და არ გახდნენ ძალადობრივი დანაშაულებების თანამონაწილე." – წერს გიორგი გახარია სოციალურ ქსელში.

შეგახსენებთ, გიორგი გახარია ცოტა ხნის წინ პროკურატურაში გამოკითხვაზე იმყოფებოდა.