ბიძინა ივანიშვილი ჟურნალისტებთან მორიგ შეხვედრას მართავს, რომელიც ტექნოლოგიურ პარკში იმართება. მედიის წარმომადგენლებთან შეხვედრაზე ყოფილმა პრემიერმა განაცხადა, რომ ეროვნული ვალუტის გამყარება გამოწვეულია ეკონომიკური ფაქტორებით და არა ეროვნული ბანკის პრეზიდენტის ცვლილებით:

"ზედმეტი ოპტიმიზმი გამყარებისთვის ნუ გვექნება. ლარის კურსის ცვლილება არ არის დაკავშირებული ქადაგიძის წასვლასთან. ეს უფრო ეკონომიკური ფაქტორებითაა გამოწვეული".

ივანიშვილის თქმით ლარმა წონასწორობის ახალ წერტილს მიაღწია და დიდი რყევები არ არის მოსალოდნელი.

ბიძინა ივანიშვილმა ჟურნალისტებთან შეხვედრა გასულ კვირასაც გამართა. მან ტელევიზიის წარმომადგენლების კითხვებს 7 ივნისს უპასუხა.