კურიერები 16 დეკემბერს, 15:00 საათზე ჯანდაცვის სამინისტროდან — თბილისის საქალაქო სასამართლომდე მსვლელობას აანონსებენ.

"ჩვენ, კურიერები ყოველთვის ვდგავართ და ვიდგებით ჩვენი ქვეყნის გვერდით. საზოგადოებას ახსოვს ჩვენი არაერთი პროტესტი და სოლიდარობა სოციალური პრობლემების მიმართ. დღეს ჩვენ ერთმანეთს ვჭირდებით ისე, როგორც არასდროს!

ჩვენ ვჭირდებით საჯარო მოხელეებს, მსახიობებს, დასუფთავების თანამშრომლებს, მშენებლებს, რკინიგზელებს, ექთნებს, ექიმებს, სოციალურ მუშაკებსა და დღეს ყველა ერთად ქვეყანას ვჭირდებით!

სწორედ, ამიტომ მოგიწოდებთ გაერთიანებისკენ, 16 დეკემბერს 12:00 საათზე კურიერები კიდევ ერთხელ გავაგონებთ ჩვენი სოლიდარობის მქუხარე ხმას საზოგადოებას, ჩვენს დაკავებულ კოლეგას (ირაკლი მიმინოშვილი 19 წლის), რომელსაც არ დავტოვებთ მარტო და რეჟიმს, რომელიც სასტიკად და ძალისმიერი მეთოდებით არბევს და უსწორდება ჩვენი ქვეყნის მოქალაქეებს! არ დასჯილა არცერთი მოძალადე პოლიციელი თუ „ტიტუშკა". გვაშინებენ ნაცებით, ხელისუფლებაში მყოფი ყოფილი ნაცები!

საქართველოსთვის, უკანონოდ დაკავებული კურიერისთვის, თანამოქალაქეების სოლიდარობისთვისა და რეჟიმის ძალისმიერი მეთოდების წინააღმდეგ, ვიკრიბებით რათა კიდევ ერთხელ ვაჩვენოთ საზოგადოებას ჩვენი გულწრფელი სოლიდარობა და მხარდაჭერა”, - ნათქვამია განცხადებაში." — ნათქვამია განცხადებაში